Улаанбаатар
Москвад террорист халдлага үйлдэж болзошгүй гэх сэжиг Америкийн талд байжээ
ДЭЛХИЙН МЭДЭЭ | УЛС ТӨР
НЬЮ-ЙОРК, 2024 оны гуравдугаар сарын 23 /TASS/. "Лалын улс" бүлэглэл Орост террорист халдлага үйлдэхээр төлөвлөж байгааг Америкийн тагнуулын алба Оросын талд анхааруулж байсан гэж CNN телевиз эх сурвалжуудаас эш татан мэдээлэв.
Ийм мэдээлэл 2023 оны 11 дүгээр сараас хойш ирсээр байжээ. Харин энэ бүхэн нь Москва дахь АНУ-ын Элчин сайдын яамнаас "террорист халдлага үйлдэж болзошгүй" талаар гуравдугаар сарын 7-нд сэрэмжлүүлэг өгөх шалтгаан байсан эсэх нь тодорхойгүй байна.
Цагаан ордны Үндэсний аюулгүй байдлын зөвлөлийн стратегийн харилцаа холбооны зохицуулагч Жон Кирби Fox News телевизэд ярихдаа, ЭСЯ-наас өгсөн сэрэмжлүүлэг ба "Крокус сити холл"-д үйлдсэн халдлага хоёр хоорондоо ямар холбоотой болохыг хэлэх боломжгүй гэлээ. Түүний хэлснээр, энэ сарын эхээр Москва болон түүний ойр орчимд террорист халдлага үйлдэж болзошгүй гэсэн сэжиг таамаглал Америкийн талд байжээ.
